Tengahari tadi kami 3 ngusung tempat ke ka mendaftar skula ke Wesley. Kira ke Kindergarden sangka ku. Ari umur 2 sampai 3 taun umur bala nembiak dia. Ko kami ditu nama skul nya Peuter speelzaal. 1 november masuk 2 taun tudah tuan ku nya.


bala cikgu ke bisi dia.

Berapa ari tu udah tak rajin endar ga asai tulang tu begaga ke utai empa. Kemari ngaga sushi, lama udah tetenguk ke sushi. Meli di kedai, kadang nadai asai kadang tak tengkering asai asi. Nyamai ngaga kediri. Tau ga di kenyadi ke asai




Ensana ngaga kari manuk ga, dikena makai roti canai. Roti canai nya sigi udah siap. Beli ku bak kedai bansa Suriname. Muti nabak ke ngagai kali aja. Nyamai sepi aku.
Suba kala ku nguji ngaga roti canai kediri empu. Pama ga ngerenjuk tepung nya enggai ke enda sebati. Nibar roti enda tentu nemu tudah pangan, nya alai ke enggai ngaga agi. Madi kelalu balat tibar, abis lekat belah sida siling. Pechuma nyuluk, ukainya bisi engkuit.

Me & my sister......sapa bajik agi? Enti ngundi aku angkat jari. Enti ngundi sister aku angkat kaki. Tauka dua-dua enda bajik....hai wai.....








Ia tu sigi enggai enggau orang bekena ke T-shirt enggau tanchut ke tebal agi. Ko luput ko ia. Enda tan angat. 2 bulan kami cuti enda meh ia ulih neleba ke diri enggau cuaca kitai di din.






Dari kini ke kanan heee..ap..Sherry, Nora, Urai & menantu aku Tini, nye udah bisi menantu kami wai. Uchu pan udah meh bisi, isk..isk...isk..tuainya aku. Menantu menyadi kami ke tuai menantu aku ga kan..kan...kan? Ia ke belakang nya, jelu kami Ganya. Ia ga enggai skula, selalu ponteng. Nurun amai nurun ari rumah tang enda datai di skula. Ila baru nyepi ngiga kerja enti nadai pemandai. Tang enti pasal ngiga utai ke lauk belah babas no satu. Ni ni maia ka aja di bai mindah.







Ngirup tuak bak rumah menyadi ku bak Kuala Baram. Apai tuai ku nya sigi ka endar ngirup tuak. Nyamai ko ia. Maia indai ku ke bisi enggai kami nemuai ke Holland, bisi meh tuai ngaga tuak ke Frank. Ciping sigi mai ari miri. Diatu agi meh tuak nya. Sigi dikelimat. Leboh ke ngirup tuak, tebayang asai miri serta rumah panjai ko Frank. Hehehehe....sigi nyamai tuak kami iban.

Tina



Nora


Sida tu sigi geng rapat aku di miri. Sigi begulai baka diri menyadi, saum pemakai, saum pingai nunda ko orang. Nama setaun enda betemu sigi lelenggau amai.
Sebenar 7 iko kami ke segeng kebendar tang diatu nyau nitih ke periuk diri. 2 iko (Beena & Tracy) belaki di Johor. Siko (Anne) di niah lalu 3 iko agi di miri (Beeca. Tina & Nora). Aku pun di Holland. Kadang maia ke bisi begempuru , bbq serta bisi clubbing bisi sida sms aku. Jeles amai ku ninga....tang apa boleh buat.
Arap ke next year kitai ulih betemu baru. Ulih ga aku melepaskan rindu dendamku ngagai menua miri, kaban belayan kelebih agi pemakai kitai malaysia specially pemakai rumah panjai (gemuk kira dudi janji anang kurang makai). Enti maia pulai ke ruamah diri nya baru berunding ke diet...enda pia kita wai.
Aku nama pulai ke m'sia sigi enggai enggau orang bediet. Isa di Holland nadai utai dempa bakanya.
Nye, nyau becampur aduk utai di tulis aku ditu.

Pengawa tu baru orang rindu....

Gamal mua orang ringat

Tengahari kemari meda papa ia bisi di luar berandau enggau orang sepiak, diak Weslay lalu nunjuk ke basikal ia mai aku keluar. Sangka aku orang ka nepan basikal, tang enggai ga. Ia ke bendar ianya ka ngasur ke aja. Nyau tasur ke ngagai kereta orang.Puas berara ke. Eh kapa ku nya... ambi ku basikal ia lalu di bai ku pulai ke bilik. Nyabak meh ia....pecuma lagi kereta orang scratch

Gambar indai ku maia ke bisi di bai kami bejalai ngagai Bitburg Germany. Nya meh enggai ke enda menua orang, tang enda ga betah. Enda nyamai ko ia, nadai pengawa ngawa. Orang tuai ukai nya ka diau jenuh, nama nadai nurun ke tanah. Irau ke manuk nadai orang meri makai meh, irau ke kebun lada repa meh. Ila tau endur rusa belalai kebun aku ko tudah tuai. Tang laban tiket ti udah di beli, ko pan enda tat ke aja meh, nganti maia ke pulai...I love you mom..

Nya ni, nya meh pemaioh beg di bai pulai. Enggi kita kala beringku baka aku enti leboh pulai ari menua?

Mansang kutai ke miri siti siko beg kami duai Frank. Pulai ari miri nyau double triple beg kami duai. Laban indai aku ke bisi di bai ku nemuai kitu, apa agi alu ngambi ulih aku mai utai maioh keagi. Nama utai ke di bai ko kita..? Nama agi enti enda sida rempah ratus kena manduk lauk serta utai empa, sida daun ubi meh nya, sida kasam babi meh nya, eh maioh meh agi lebih 100 kg pemerat beg kami 3... Nasib kastam nadai gecheck beg maia datai bak airport schipol. Aku nama pulai ari menua sigi berintun mai utai pulai

Tu gamal anak aku. Nyau ngeretung gamal bai main panas.
Ditu, laban jarang nyepi panas, kadang ka pansut maia summer tang enggai enggau orang suah
besari sari bejembui (laban ti sigi udah chelum nadai utai di anjung bejembui). Tambah
mega bisi kena pangka sida migrain.